രണ്ടാം യൂ. ഏ. ഈ. മീറ്റിന്റെ തലേ ദിവസം റീമയ്ക്കൊരു ചെറിയ തലചുറ്റല്.
കലേഷിനു ടെന്ഷന് അടിക്കാന് വേറേ വല്ലതും വേണോ? ആശുപത്രിയില് കൊണ്ടുപോകലായി, പുറം തിരുമ്മിക്കൊടുക്കലായി, ടെസ്റ്റു ചെയ്യാന് ബ്ലഡ് എടുക്കുമ്പോള് കണ്ണടച്ചു കൊണ്ടു കയ്യില് പിടിക്കലായി, വീട്ടില് വിളിക്കലായി, വര്ക്കല മുതല് ആറന്മുള വരെയുള്ള സകലമാന അമ്പലത്തിലും വഴിപാടു നേരലായി, ആകെ പുകില്.
പിന്നെ, കലേഷിനൊരു നല്ല സ്വഭാവമുണ്ടു്. എല്ലാ കാര്യവും അവസാനനിമിഷമേ ചെയ്യൂ. മീറ്റിനാവശ്യമുള്ള ഭക്ഷണം ശരിയാക്കാമെന്നു് ഏറ്റതാണു്. വൈകുന്നേരമാണു് ഒന്നും ചെയ്തിട്ടില്ല എന്നോര്ത്തതു്.
സിദ്ധാര്ത്ഥനെ വിളിച്ചു.
“പ്രിയ സിദ്ധാര്ത്ഥാ, മീറ്റിന്റെ ഭക്ഷണകാര്യം ഒന്നു നോക്കണമല്ലോ”
സിദ്ധാര്ത്ഥന് ഞെട്ടി. പുട്ടു് പത്തു വിരലുമുപയോഗിച്ചു ഞെരടിക്കഴിക്കാന് എക്സ്പെര്ട്ടാണെന്നല്ലാതെ ഭക്ഷണം അറേഞ്ച് ചെയ്യുന്ന കാര്യവും സിദ്ധാര്ത്ഥനും തമ്മില് കടല്, കടലാടി എന്ന വസ്തുക്കള് തമ്മിലുള്ള ബന്ധം പോലുമില്ല എന്നതാണു വസ്തുത.
“അതിപ്പോ, എന്റെ ഭാര്യ നിറഞ്ഞ വയറുമായി ഇരിക്കുമ്പോള്…”
“പ്രിയ പാരേ, ഒരു വയറു പോലും! അതിനേക്കാള് വലിയ വയറും വെച്ചല്ലേ ഞാന് ദിവസവും നടക്കുന്നതു്? എനിക്കു നിവൃത്തിയില്ലാഞ്ഞിട്ടാ. പിന്നെ, പെര് ഹെഡ് 25 ദിര്ഹത്തില് ഒതുക്കണം. സഹായത്തിനു് ആ ദില്ബനെയും വിളിച്ചോ.”
ബെസ്റ്റ്! ഈനാം പേച്ചിയ്ക്കു മരപ്പട്ടി കൂട്ടു്. അടുത്ത വീട്ടില് സ്വന്തം ചേച്ചി താമസിക്കുന്നതുകൊണ്ടു മാത്രം പട്ടിണി കിടക്കാതെ കഴിഞ്ഞു പോകുന്ന ദില്ബാസുരന് തന്നെ വേണം ഫുഡ്കമ്മറ്റി മെംബറാവാന്!
എന്തായാലും ചെയ്യാന് തന്നെ വിചാരിച്ചു സിദ്ധാര്ത്ഥന്.
തുടങ്ങിയപ്പോഴല്ലേ, സംഗതിയുടെ കിടപ്പു മനസ്സിലായതു്. ഇരുപത്തഞ്ചു ദിര്ഹം വെച്ചു പിരിച്ചാല് പലയിടത്തും കഷ്ടിച്ചു വിളമ്പുകാരെ സംഘടിപ്പിക്കാം. ഭക്ഷണം വേറേ ഉണ്ടാക്കണം.
ബുഫേ ആക്കാമെന്നു വിചാരിച്ചു. എന്നാലും 25 ദിര്ഹത്തില് എന്തു ഭക്ഷണം കൊടുക്കാന്?
ദില്ബാസുരന് സന്ദര്ഭത്തിനൊത്തുയര്ന്നു. എക്സ്പയറി ഡേറ്റ് കഴിഞ്ഞ സാധനങ്ങള് കുറഞ്ഞ വിലയ്ക്കു വില്ക്കുന്ന ഒരു സ്ഥലം കണ്ടുപിടിച്ചു. മുട്ട, ചീസ്, പാല്, ടോഫു തുടങ്ങിയവ അവിടെ നിന്നു കിട്ടും. പാചകം ചെയ്യുന്ന ബാച്ചിളേഴ്സ് എന്ന വംശനാശം നേരിട്ടു കൊണ്ടിരിക്കുന്ന സ്പിഷീസ് അവിടെ നിന്നാണത്രേ സാധനം വാങ്ങുന്നതു്. ചപ്പാത്തി പോലെയുള്ള എന്തോ ഒന്നു് ഉണ്ടാക്കിത്തരുന്ന ഒരു ഫിലിപ്പീന് സ്ത്രീയെയും അദ്ദേഹം കണ്ടുപിടിച്ചു.
ഗ്രില് സംഘടിപ്പിച്ചതു സിദ്ധാര്ത്ഥനാണു്. ജര്മ്മന് ടെക്നോളജി. രണ്ടാം ലോകമഹായുദ്ധകാലത്തിനു തൊട്ടു മുമ്പു ജര്മ്മനിയില് ഉണ്ടാക്കിയതു്. കോണ്സണ്ട്രേഷന് ക്യാമ്പുകളില് തടവുകാര്ക്കു ഭക്ഷണം ഉണ്ടാക്കിയിരുന്ന സാധനം. ഒരേ സമയത്തു 25 പാത്രം വെയ്ക്കാവുന്നതു്. മണ്ണെണ്ണ കൊണ്ടു പ്രവര്ത്തിക്കുന്നതു്. ഒരു ആക്രിക്കച്ചവടക്കാരന്റെ കയ്യില് നിന്നു് ഒരു ദിവസത്തേയ്ക്കു വാടകയ്ക്കു വാങ്ങിയതാണു്.
അങ്ങനെ എല്ലാം ശരിയാക്കി സിദ്ധാര്ത്ഥന് വീടു പൂകി. ഭാര്യയോടു വിശേഷമൊക്കെ പറഞ്ഞു.
“അല്ലാ, ഈ ഗ്രില്ലിലൊഴിക്കാന് മണ്ണെണ്ണ എവിടെ നിന്നു കിട്ടും?” ഭാര്യയുടെ ചോദ്യം കേട്ടു ഗൌതമബുദ്ധന്റെ പൂര്വ്വാശ്രമത്തിലെ പേരു വഹിക്കുന്നവന് അങ്ങേരു ശവത്തെയും വയസ്സനെയും പിന്നെ ഏതാണ്ടിനെയുമൊക്കെ കണ്ടതിനേക്കാള് ചിന്താക്രാന്തനായി.
ദില്ബാസുരനെ വിളിച്ചു.
“ഡാ, നിന്റെ കയ്യില് മണ്ണെണ്ണ ഉണ്ടോ?”
“പിന്നേ, എന്റെ കയ്യില് വെളിച്ചെണ്ണ ഇല്ല, പിന്നാ മണ്ണെണ്ണ! ഇതു ചോദിക്കാനാണോ പാതിരാത്രിയില് എന്നെ വിളിച്ചുണര്ത്തിയതു്?”
“നിന്റെ ചേച്ചിയോടു് ഒന്നു ചോദിക്കടാ…”
“അവിടെ മണ്ണെണ്ണയൊന്നുമില്ല. ഗ്യാസിലാ അവര് പാചകം ചെയ്യുന്നതു്.”
എണ്ണയുടെ നാടായ ദുബായിയില് കുക്കിംഗ് ഗ്യാസിനു യാതൊരു ക്ഷാമവുമില്ല. പാവങ്ങളുടെ ആവശ്യത്തിനു മണ്ണെണ്ണ റേഷന് കട പോലെയുള്ള ഒരു സ്ഥാപനത്തിലൂടെ കൊടുക്കുന്നുണ്ടു് എന്നതു നേരു്. പക്ഷേ, വളരെക്കുറച്ചു മലയാളികളേ വാങ്ങാറുള്ളൂ. വാങ്ങുന്നവരാകട്ടേ, ഗൃഹാതുരത്വവും നോവാള്ജിയയുമൊക്കെ വന്നു പണ്ടാരമടങ്ങിയവര് മാത്രം.
ചിലര്ക്കു മണ്ണെണ്ണ സ്റ്റൌവില് ഉണ്ടാക്കിയ ഭക്ഷണം കഴിക്കുമ്പോള് കുഞ്ഞുന്നാളിലെ ഓര്മ്മ വരും. ആ രുചി ഗ്യാസിനും കറന്റിനുമൊന്നും തരാന് കഴിയില്ല എന്നു പറയും. സാധാരണയായി ഭാര്യമാര് ഇതു സമ്മതിക്കാറില്ല. അതിനാല് ഭാര്യമാര് പ്രസവത്തിനോ മറ്റോ നാട്ടില് പോകുമ്പോഴാണു് ഈ ഗൃഹാതുരത്വത്തിനെ പരിപോഷിപ്പിക്കുന്നതു്. മാത്രമല്ല, മണ്ണെണ്ണയില് പാചകം ചെയ്യുന്നതു് ആയുരാരോഗ്യത്തിനും നല്ലതത്രേ. എന്തായാലും മണ്ണില് നിന്നു കിട്ടുന്നതല്ലേ? മണ്ണാണു മനുഷ്യന്റെ ഏറ്റവും വലിയ സമ്പത്തെന്നാണു കേരളത്തിലെ ഫാര്മേഴ്സും പറയുന്നതു്.
മറ്റു ചിലര്ക്കു മണ്ണെണ്ണവിളക്കിന്റെ വെളിച്ചത്തിലേ എഴുത്തു വരൂ. അതും കുഞ്ഞുന്നാളിലെ ശീലമാണു്. ഗൃഹാതുരത്വം എന്നു പറയും. ഇവര് രാത്രി വിളക്കൊക്കെ അണച്ചിട്ടു് തന്നെയും കമ്പ്യൂട്ടറിനെയും ഒരു കരിമ്പടം കൊണ്ടു മൂടി അതിനകത്തൊരു മണ്ണെണ്ണവിളക്കു കത്തിച്ചു വെച്ചാണു ബ്ലോഗെഴുതുന്നതു്.
പിന്നെ മണ്ണെണ്ണ വിളക്കിന്റെ വെളിച്ചത്തില് മാത്രം എരുമയെ കറക്കുന്നവര്, റാഗിംഗിനു ശേഷമുള്ള ആദ്യസമാഗമം ഒരു പവര്കട്ടിന്റെ ദിവസം കോളേജ് കാന്റീനിലെ മണ്ണെണ്ണ വിളക്കിന്റെ വെളിച്ചത്തിലായിരുന്നതുകൊണ്ടു് ഇടയ്ക്കിടെ മണ്ണെണ്ണവിളക്കിന്റെ വെളിച്ചത്തില് അത്താഴം കഴിക്കുന്ന ദമ്പതികള് എന്നിങ്ങനെ വേറെയും ആളുകളുണ്ടു്.
ഇവരോടൊക്കെ ഒന്നു ചോദിച്ചുകളയാം.
സിദ്ധാര്ത്ഥന് കമ്പ്യൂട്ടര് ഓണ് ചെയ്തു് അതില് വൈറസുകളില്ലാത്ത ഒരു സ്ഥലം ബുദ്ധിമുട്ടി കണ്ടു പിടിച്ചു്, അവിടെനിന്നു് ഒരു ഇ-മെയില് സന്ദേശം എല്ലാവര്ക്കും അയച്ചു.
“നാളെ നടക്കുന്ന മീറ്റിന്റെ മണ്ണെണ്ണഫണ്ടിലേക്കായി മണ്ണെണ്ണ ഉദാരമായി സംഭാവന ചെയ്യുക. സംഭാവന ചെയ്യുന്നവരുടെ പേരുകള് ബൂലോഗക്ലബ്ബില് പ്രസിദ്ധീകരിക്കുന്നതായിരിക്കും. മണ്ണെണ്ണക്കുപ്പികള് ദയവായി ദില്ബാസുരനെ ഏല്പ്പിക്കുക.”
ദില്ബാസുരന് ടൌണിന്റെ ഹൃദയഭാഗത്താണു താമസം. സിദ്ധാര്ത്ഥന് അങ്ങു ദൂരെ കടപ്പുറത്തും.
പിറ്റേന്നു് വെളുപ്പിനു തന്നെസിദ്ധാര്ത്ഥന് ഓടിക്കിതച്ചു ദില്ബന്റെ വീട്ടിലെത്തി.
“എത്ര പേരു കൊണ്ടുത്തന്നഡേ?”
“നാലു പേര്.”
“ഇത്ര എച്ചികളായിപ്പോയല്ലോ ഇവന്മാര്! എത്ര കുപ്പി കിട്ടി?”
“22.”
“ഹാവൂ, നമുക്കൊരു 18 കുപ്പി മതിയാകും ഇന്നു്. ഇടയ്ക്കിടെ ഓഫ് ചെയ്തിടാമല്ലോ.”
കുപ്പികളുമായി ആശാനും ശിഷ്യനും യോഗസ്ഥലത്തേക്കു പോയി. അറബിയിലൊഴികെ ഏതു ഭാഷയിലെഴുതിയാലും ദുരര്ത്ഥമുണ്ടാക്കുന്ന പേരുള്ള ഒരു സ്ഥലത്തു് ഏതോ കോഴിക്കൂടയിലാണു മീറ്റ്.
“മണ്ണെണ്ണ തന്നവര്ക്കു നന്ദി പറയാനെന്നു പറഞ്ഞു് ആ മൈക്കില് കൂടി ഒന്നു സംസാരിക്കാമല്ലോ,” സിദ്ധാര്ത്ഥന് പറഞ്ഞു, “ഈ പ്രാവശ്യം സെമിനാര്, പ്രബന്ധം എന്നൊക്കെ പറഞ്ഞു് ആ വഴിക്കു വന്നേക്കരുതു് എന്നാണു കലേഷ് പറഞ്ഞതു്.”
“അത്രേ അല്ലേ ഉള്ളൂ?” ദിബാസുര ഉവാച, “ആ കൈപ്പള്ളിച്ചേട്ടന് വന്നാല് പിടിച്ചു കൊണ്ടുപോയി ഏറ്റവും പുറകിലത്തേ കസേരയില് ഇരുത്തി കൈകാലുകളും വായും ബന്ധിച്ചു് ഭക്ഷണം തുടങ്ങുന്നതു വരെ ഇരുത്താന് രണ്ടു ഗുണ്ടകളെ ഏര്പ്പാടു ചെയ്തിട്ടുണ്ടു്.”
“അപ്പോള് ഈ പ്രാവശ്യം പരിപാടിയൊന്നുമില്ലേ?”
“പിന്നേ, അതുല്യച്ചേച്ചിയുടെ കല്ലുകൊത്തിക്കളി, കുറുമാന്റെ ആനമയിലൊട്ടകം കറക്കിക്കുത്തു കളി, വല്യമ്മായിയുടെ തംബോല കളി തുടങ്ങി കേരളത്തിന്റെ തനതായ കളികളല്ലേ? പിന്നെയെല്ലാം കുട്ടികളുടെ കളികളാണു്. അതു നടത്താന് കുവൈറ്റില് നിന്നു വിശ്വേട്ടന് വരുന്നുണ്ടു്.”
“അതെന്തൊക്കെയാ കുട്ടികളുടെ പരിപാടികള്?”
“വീട്ടില് എത്ര കറന്റു ചെലവാകുന്നു എന്നു കണ്ടുപിടിക്കുന്നതെങ്ങനെ എന്നതിനെപ്പറ്റി ഒരു ഫിസ്സിക്സ് ക്ലാസ്സ്, ഹ്രീഹ്ലാദം തുടങ്ങിയ വാക്കുകള് കൊണ്ടു് ഒരു കേട്ടെഴുത്തു്, അനോണികളെ ചെറുക്കുന്നതു് ഒരു ശീലമാക്കൂ എന്നതിനെപ്പറ്റി പ്രഭാഷണം തുടങ്ങി…”
“ആ, കിട്ടിപ്പോയി”, ഓരോരുത്തരും കൊണ്ടു വന്ന മണ്ണെണ്ണയുടെ കണക്കു നോക്കിക്കൊണ്ടിരുന്ന സിദ്ധാര്ത്ഥന് ഉറക്കെ വിളിച്ചു പറഞ്ഞു.
“എന്തോന്നു്?”
“പ്രസംഗിക്കാന് ആശയം. നീ നോക്കിക്കോഡേ…”
മീറ്റ് തുടങ്ങി. ഐസു പൊട്ടിക്കലിനു ശേഷം മണ്ണെണ്ണയ്ക്കു നന്ദിപ്രകടനത്തിനായി കലേഷിന്റെ അനുവാദത്തോടേ സിദ്ധാര്ത്ഥന് മൈക്കുമായി സമ്പര്ക്കം സ്ഥാപിച്ചു.
“മാന്യമഹാജനങ്ങളേ…”
സിദ്ധാര്ത്ഥന് അങ്ങനെയാണു്. ഔചിത്യം തൊട്ടു തീണ്ടിയിട്ടില്ല. കുറുമാനും പച്ചാളവും മാത്രമേ ഉള്ളെങ്കിലും “മാന്യമഹാജനങ്ങളേ…” എന്നേ വിളിക്കൂ.
“നമുക്കു് ഇന്നു മണ്ണെണ്ണ തന്നു സഹായിച്ച ദേവേട്ടന്, കുറുമാന്, വിശാലന്, തറവാടി എന്നീ നാലു മഹാന്മാരോടുള്ള കൃതജ്ഞത ബൂലോഗത്തിന്റെ പേരിലും യൂ. ഏ. ഈ. മീറ്റിന്റെ പേരിലും എന്റെ സ്വന്തം പേരിലും ഞാന് അര്പ്പിക്കുകയാണു്…”
“മൊത്തം 22 കുപ്പി മണ്ണെണ്ണ സംഭാവനയായി കിട്ടിയിട്ടുണ്ടു്. ഇവിടെ മണ്ണെണ്ണ നല്കിയ നാലു പേരും നാലു വ്യത്യസ്ത എണ്ണം കുപ്പി മണ്ണെണ്ണയാണു തന്നതു് എന്നു പറയാനും ഞാന് ഈ അവസരം വിനിയോഗിക്കുകയാണു്.”
“ഏറ്റവും കൂടുതല് മണ്ണെണ്ണ തന്നതു് ദേവേട്ടനാണു്. മാത്രമല്ല, കുറുമാനും വിശാലനും ചേര്ന്നു തന്ന അത്രയും മണ്ണെണ്ണ അദ്ദേഹം ഒറ്റയ്ക്കു നല്കുകയുണ്ടായി.”
നീണ്ടു നിന്ന കരഘോഷം. എല്ലാവരും “ദേവന് വാഴ്ക, വാഴ്ക” എന്നു പറഞ്ഞു. അതുല്യ മാത്രം “വീഴ്ക, വീഴ്ക” എന്നു പറഞ്ഞു. പിന്നെ കേട്ടാല് മനസ്സിലാകാത്ത കുറേ തമിഴും ഹിന്ദിയും.
“ഇനി ഞാന് ദേവേട്ടനോടു ചോദിക്കട്ടേ. ഓരോരുത്തരും തന്നതു് എത്ര കുപ്പി മണ്ണെണ്ണയാണെന്നു താങ്കള്ക്കു പറയാന് കഴിയുമോ?”
ഒരു കാര്യം പറയാന് വിട്ടു. ബൂലോഗക്ലബ്ബില് സ്വന്തം ബ്ലോഗിന്റെ പരസ്യം പതിക്കരുതു് എന്നു പറഞ്ഞാലും അതിനെ ചോദ്യം ചെയ്യുന്നവരാണു ബൂലോഗര്. ഞാന് ഇനി പറയാന് പോകുന്ന യുക്തിക്കു നിരക്കാത്ത വസ്തുതയെ ഇവിടെ ഭൂരിഭാഗം ആളുകളും ചോദ്യം ചെയ്യും എന്നു് എനിക്കറിയാം. പക്ഷേ ഈ ബുദ്ധിപരീക്ഷയ്ക്കു വേണ്ടി നിങ്ങള് അതു സമ്മതിച്ചു തന്നേ പറ്റൂ.
എന്താണെന്നോ? ഈ നാലു പേരും അതീവ ബുദ്ധിശാലികളാണെന്നും മുന്പൊരദ്ധ്യായത്തില് സൂചിപ്പിച്ച ഗജേന്ദ്രനെക്കാളും ലോജിക്കല് തിങ്കിംഗ് കരഗതരായവരാണെന്നും നിങ്ങളൊന്നു് അസ്യൂം ചെയ്യണം. (“ആദ്യത്തെ മൂന്നു പേരുടെ കാര്യം വേണമെങ്കില് സമ്മതിച്ചു തരാം” എന്നു വല്യമ്മായി പുറകില് നിന്നു വിളിച്ചു പറയുന്നതു ഞാന് കേള്ക്കുന്നു.) ഇതു കഴിഞ്ഞാല് നിങ്ങള് സത്യത്തില്ത്തന്നെ ഉറച്ചുനിന്നോളൂ.
പറഞ്ഞു വന്നതു്, സിദ്ധാര്ത്ഥന് ദേവനോടു ചോദിച്ചു. ദേവന് പത്തു വിരലും ഉപയോഗിച്ചു പല കണക്കും കൂട്ടി നോക്കിയിട്ടു് “എനിക്കറിയില്ല” എന്നു പറഞ്ഞു.
അടുത്ത ചോദ്യം കുറുമാനോടു്. “താങ്കള്ക്കു പറയാന് പറ്റുമോ?”
“ദേവനു പറ്റിയില്ല, പിന്നാ കുറുമാനു്,” പെരിങ്ങോടന് പിറുപിറുത്തു.
“അങ്ങനെയല്ല പെരിങ്ങോടരേ. ദേവന്റേതു പുരന്ദരം. കുറുമാന്റേതു സൌഭദ്രം,” സിദ്ധാര്ത്ഥന് പറഞ്ഞു, “ദേവനു കിട്ടാത്ത ഒരു ക്ലൂ കുറുമാനു കിട്ടിയിട്ടുണ്ടു്.”
“അതെന്തു്?”
“ദേവനു പറയാന് കഴിഞ്ഞില്ല എന്ന ക്ലൂ. അതൊരു ഒന്നര ക്ലൂവാണു്.”
“ഒന്നര” ക്ലൂവും കൂടി മിനുപ്പേറിയ തലയിലിട്ടു് കിലുക്കിക്കലക്കിയെടുത്തു്, ഇടയ്ക്കിടെ കാലാട്ടി, തല പുകഞ്ഞാലോചിച്ചിട്ടും കുറുമാനു പറയാന് സാധിച്ചില്ല.
“അടുത്ത ചോദ്യം വിശാലനോടു്,” സിദ്ധാര്ത്ഥന് പറഞ്ഞു, “അതിബുദ്ധിമാന്മാരായ ദേവനും കുറുമാനും പറയാന് കഴിഞ്ഞില്ല എന്ന ക്ലൂവും കൂടി ഉപയോഗിച്ചു് ഉത്തരം പറയാമോ?”
വിശാലന് ചെവിപ്പുറകില് നിന്നു പെന്സിലെടുത്തു ഒരു കടലാസ്സില് കുറേ കണക്കു കൂട്ടിനോക്കീട്ടു് ഒരു ചരിഞ്ഞ നോട്ടം നോക്കി “എനിക്കറിയില്ല” എന്നു സ്നേഹസാന്ദ്രമായി മൊഴിഞ്ഞു.
“അവസാനത്തെ ചോദ്യം തറവാടിയോടു്. താങ്കള്ക്കു പറയാമോ?”
“പറയാം.”
“എന്റെ ബദരീങ്ങളേ” എന്നു വല്യമ്മായി വിളിച്ച വിളി തൊണ്ടയില് കുരുങ്ങി നിന്നു. നമ്മുടെ അസംപ്ഷന് ആ മഹിളാരത്നം ഒരു നിമിഷത്തേക്കു മറന്നു പോയിരുന്നു.
മണിമണിയായി തറവാടി നാലു പേരും കൊടുത്ത മണ്ണെണ്ണയുടെ കണക്കു പറഞ്ഞു. അതു ശരിയായിരുന്നു താനും.
എന്തായിരുന്നു തറവാടിയുടെ ഉത്തരം?
ഇതു ചെയ്യാന് നോക്കി ഒരു എത്തും പിടിയും കിട്ടാതെ നില്ക്കുകയാണു് നിങ്ങളെല്ലാവരും എന്നെനിക്കറിയാം. ഇവിടെ നാലു പേര്ക്കും അവനവന് കൊടുത്ത കുപ്പികളുടെ എണ്ണം അറിയാം. അതുകൊണ്ടാണു തറവാടിയ്ക്കു് ഉത്തരം പറയാന് കഴിഞ്ഞതു്.
നിങ്ങള്ക്കു് അതറിയാത്തതുകൊണ്ടു് ഇത്രയും ക്ലൂകളില് നിന്നു നിങ്ങള്ക്കു് ഉത്തരം കിട്ടില്ല. അതിനാല് ഒരു ക്ലൂ കൂടി തരാം.
നിങ്ങള് വിചാരിക്കുന്നുണ്ടാവും, ഇവിടെ ഏറ്റവും കുറച്ചു മണ്ണെണ്ണ കൊടുത്തതു കുറുമാനാണെന്നു്. അദ്ദേഹത്തിന്റെ സ്വഭാവത്തില് നിന്നു് അങ്ങനെ അനുമാനിച്ചതില് നിങ്ങളെ കുറ്റം പറയാന് പറ്റില്ല. പക്ഷേ സത്യം അതല്ല. ഏറ്റവും കുറച്ചു മണ്ണെണ്ണ കൊണ്ടുവന്നതു കുറുമാനല്ല, മറ്റൊരാളാണു്.
പിന്നെ, ഇതു നിങ്ങള്ക്കു മാത്രമുള്ള ക്ലൂവാണു്. അവര്ക്കു നാലു പേര്ക്കും ഇതു് അറിയില്ലായിരുന്നു.
ഉത്തരം കിട്ടിയാല് ആദ്യം അതയയ്ക്കുക. ചെയ്യുന്ന വിധം എഴുതാന് ഒരുപാടുണ്ടു്. അതു പിന്നീടു സൌകര്യമായി അയയ്ക്കുക.
ഇതില് ഇനി കമന്റുകള് അനുവദിച്ചിട്ടില്ല. ഉത്തരം ഇവിടെ.
ഉമേഷ്::Umesh | 31-Oct-06 at 3:31 pm | Permalink
കുട്ട്യേടത്ത്യേ, വല്യമ്മായിയേ, ഇതു കണ്ടില്ലെന്നു പറയരുതു്. പുതിയ പസില്. അധികമാരും കേള്ക്കാത്തതു്. കഴിഞ്ഞതിനേക്കാള് അല്പം കൂടി പ്രയാസമുള്ളതു്. എങ്കിലും മുത്തപ്പന്റെ ചെക്കിനെക്കാളും വളരെ വളരെ ലളിതം.
ഉത്തരം കിട്ടിയാല് അയയ്ക്കുക. വിശദീകരണം എഴുതാന് ഒരുപാടുണ്ടു്. അതു പിന്നെ സൌകര്യമായി സമയം കിട്ടുമ്പോള് എഴുതുക.
കണ്ഫ്യൂഷന് ഉണ്ടാകാതിരിക്കാന് കാര്യങ്ങള് ഞാന് വളരെ വിശദമായി പറഞ്ഞിട്ടുണ്ടു്. ശ്രദ്ധിച്ചു വായിക്കുക. വായിച്ചതു തെറ്റിപ്പോയി കാടു കയറാന് സാദ്ധ്യതയുള്ള ഒരു പ്രശ്നമാണിതു്.
ഉത്തരം കുറേ വൈകിയേ പ്രസിദ്ധീകരിക്കൂ. കുറേ സമയമുണ്ടെന്നര്ത്ഥം.
യൂ. ഏ. ഈ. മീറ്റില് ഇതു സോള്വു ചെയ്യാന് ഒരു മത്സരം സംഘടിപ്പിച്ചാലോ? 🙂
ദില്ബാസുരന് | 31-Oct-06 at 3:48 pm | Permalink
എന്റെ ഉമേഷേട്ടാ,
ഇതിലും ഭേദം രണ്ട് ഭാരമേറിയ സംസ്കൃത പദങ്ങള് മണ്ടയ്ക്കിട്ട് എന്നെ അങ്ങോട്ട് കൊല്ലുന്നതായിരുന്നു. ഇത് വായിച്ച് പണ്ടാറമടങ്ങാന് കലേഷേട്ടന് ഇപ്പറഞ്ഞതൊക്കെ എന്റെ തലയില് വെയ്ക്കുമോ എന്നാ ഇപ്പൊ പേടി. ചിരിച്ച് ചിരിച്ച് കട്ടേം പടോം മടങ്ങിയത് പോരാഞ്ഞ് ഇതിന്റെ ഉത്തരം കുപ്പിയില് നിന്ന് ദില്ബന് മണ്ണെണ്ണ ഊറ്റി മറിച്ച് വിറ്റു എന്നോ മറ്റോ ആവുകയും ചെയ്യും.
ഈ പ്രശ്നം സോള്വ് ചെയ്യാന് കൂടുന്ന യു.ഏ.ഈ മീറ്റിന്റെ ദിവസം എനിക്ക് വയറിളക്കമാണ്. ഞാന് വരില്ല. 🙂
കുട്ട്യേടത്തി | 31-Oct-06 at 4:20 pm | Permalink
ഉമേഷ്ജിയേ,
തലകറക്കം വന്നപ്പോളേയ്ക്കും കലേഷുകുട്ടി എന്തിനാ പുറം തിരുമ്മി കൊടുത്തത് ? ശര്ദ്ദിച്ചു എന്നു ഭൂലോകര് അസ്സ്യൂം ചെയ്യണം എന്നാണോ ? കരിനാക്കൊന്നുമല്ലല്ലോ ഉമേഷ്ജിയേ.. ഒന്പതാം തീയതി വൈകിട്ടെങ്ങാന് റീമ ശര്ദ്ദിച്ചാല് അതിന്റെ ഉത്തരവാദിത്വം… ബാക്കി ഞാന് പറയുന്നില്ല 🙂 .
ഇതെന്താ ഉമേഷ്ജി, ഒന്നില് കൂടുതല് ഉത്തരങ്ങള് ഉണ്ടോ ? ആകപ്പാടെ കണ്ടീഷന്സ്
1. ദേവന് ആണ് എറ്റവും കൂടുതല് കൊടുത്തത്.
2. മൊത്തം ഇഎഉപത്തി രണ്ട്.
3. നാലു പേരും കൊടുത്തതു നാലു വ്യത്യസ്ത
4. വിശാലന് + കുറു = ദേവന്
5. എറ്റവും കുറവു കുറു അല്ല.
ഇത്രെമല്ലേയുള്ളൂ. ഈ കണ്ടീഷന് സാറ്റിസ്ഫൈ ചെയ്യുന്ന മൂന്നുത്തരം ഇപ്പൊളേ കിട്ടിയല്ലോ. അതോ, ഞാന് ഏതെങ്കിലും പോയിന്റു കാണാതെ പോയോ ?
കുട്ട്യേടത്തി | 31-Oct-06 at 4:28 pm | Permalink
ഉത്തരം 1
—————
ദേവന് : 10
കുറു : 6
വിശാലന് : 4
തറവാടി : 2
ഉത്തരം 2
—————–
ദേവന് : 9
കുറു : 6
വിശാലന് : 3
തറവാടി : 4
ഉത്തരം 3
—————–
ദേവന് : 8
കുറു : 5
വിശാലന് : 3
തറവാടി : 6
ഞാന് എന്തോ പൊട്ടത്തരം കാണിച്ചെന്നാ ഇപ്പോളും തോന്നുന്നത്. അല്ലാതെ ഇത്ര എളുപ്പം ഉള്ളതു ഉമേഷ്ജി ഇടില്ല. എത്ര വായിച്ചിട്ടും, ഞാന് എന്താണു മിസ് ചെയ്തതെന്നു പിടി കിട്ടുന്നുമില്ല.
physel | 31-Oct-06 at 4:31 pm | Permalink
മണ്ണെണ്ണക്കുപ്പികള് ഇങ്ങനെയാണോ?
ദേവരാഗം = 8 കുപ്പി
കുറുമാന് = 5 കുപ്പി
വിശാലന് = 3 കുപ്പി
തറവാടി = 6 കുപ്പി
ചുമ്മാതല്ല വല്യമ്മായി ഞെട്ടിയത്.
ഉമേഷ് ജി, ഉത്തരം ഇപ്പോ പ്രസിദ്ധീകരിക്കുന്നില്ലേലും ഇതു ശരിയാണൊ എന്ന് പറയണേ
kusruthukkutukka | 31-Oct-06 at 4:47 pm | Permalink
visha 1 kuru 9 thara 2 dev 10
ഉമേഷ്::Umesh | 31-Oct-06 at 4:50 pm | Permalink
കുട്ട്യേടത്തീ,
(5) എന്നതു് അവര്ക്കു് അറിയാവുന്ന ക്ലൂ അല്ല. നമുക്കു മാത്രമേ അറിയൂ. അതു് അവര്ക്കും അറിയാമായിരുന്നു എന്നു കരുതിയാല് ആകെ പ്രശ്നമാകും.
എങ്കിലും കുട്ട്യേടത്തി ചെയ്തപോലെ പല ഉത്തരം കിട്ടില്ലല്ലോ. വേറേ ഒരു ഉത്തരം കിട്ടും, അത്ര മാത്രം.
കുട്ട്യേടത്തി വേറേ എവിടെയോ തെറ്റിച്ചു. തെറ്റാന് ഒരുപാടു സാദ്ധ്യതയുള്ള ഒരു പസിലാണു് അതു്.
മറ്റൊരാളും ഉത്തരം അയച്ചിട്ടുണ്ടു്. അതും തെറ്റാണു്.
വല്യമ്മായി | 31-Oct-06 at 5:16 pm | Permalink
ഉത്തരം ഇതാ.ദേവേട്ടന്-10 കുപ്പി,കുറുമാന്-3 കുപ്പി,വിശാലന്-7 കുപ്പി,തറവാടി-2 കുപ്പി,ഉത്തരം ശരിയാണെങ്കില് പറയണേ,ഒന്നു സുഖമായി ഉറങ്ങാനാ.വിവരണം നാളെ പോസ്റ്റ് ചെയ്യാം
ഉമേഷ്::Umesh | 31-Oct-06 at 5:21 pm | Permalink
കുട്ട്യേടത്തി ഏറ്റവും പ്രധാന ക്ലൂകള് വിട്ടുപോയി. ദേവനും കുറുമാനും വിശാലനും ആ ക്രമത്തില് ചോദിച്ചപ്പോള് ഉത്തരം പറയാന് കഴിഞ്ഞില്ല എന്നതും തറവാടിയ്ക്കു കഴിഞ്ഞു എന്നതും ശരിയാവണം. ഇതൊക്കെ ശരിയാവുന്ന ഒരേ ഒരു ഉത്തരമേ ഉള്ളൂ.
ആരും ഇതു വരെ ശരിയുത്തരം അയച്ചിട്ടില്ല.
su | 31-Oct-06 at 5:37 pm | Permalink
9,6, 3,4 എന്നാണ് എനിക്ക് തോന്നുന്നത്.
ദേവന് – 9
കുറുമാന് – 6
വിശാലന് – 3
തറവാടി- 4
😉 എന്നോട് അവര് പറഞ്ഞതാ.
su | 31-Oct-06 at 5:57 pm | Permalink
ഒന്നും കൂടെ കിട്ടി.
ദേവന് – 10
വിശാലന് – 4
കുറുമാന് – 6
തറവാടി – 2
തറവാടിയ്ക്ക് അറിയാം, അയാള് കൊടുത്തത്. ബാക്കി 20-ല് ദേവന് പകുതി 10, വിശാലന് 4 ഉം, കുറുമാന് അതിന്റെ ഒന്നര ഇരട്ടി 6 ഉം.
ഇതും അവരു പറഞ്ഞു 😉
സിബു | 31-Oct-06 at 6:30 pm | Permalink
ഉമേഷേ എന്റെ ഉത്തരം ദേ ഇവിടെ
ഉമേഷ്::Umesh | 31-Oct-06 at 6:35 pm | Permalink
ഇതു വരെ ആരും ശരിയായ രീതിയില് ഈ പ്രശ്നത്തെ സമീപിച്ചിട്ടില്ല. എല്ലാവരും നമ്മുടെ വീക്ഷണകോണില് നിന്നാണു പ്രശ്നത്തെ സമീപിക്കുന്നതു്. ദേവനും അതിനു ശേഷം കുറുമാനും അതിനു ശേഷം വിശാലനും എന്തു കൊണ്ടു പറയാന് പറ്റിയില്ല എന്നും, എന്തുകൊണ്ടു തറവാടിയ്ക്കു പറയാന് പറ്റി എന്നും വിശദമാവണം.
ഒരു ക്ലൂ കൂടി തരാം. ആദ്യത്തെ ചോദ്യം തറവാടിയോടായിരുന്നെങ്കില് അദ്ദേഹത്തിനു പറയാന് കഴിയുമായിരുന്നില്ല.
ചിലര് ശരിയുത്തരങ്ങള് അയച്ചിട്ടുണ്ടു്. അവ യാദൃച്ഛികമായി ശരിയായതാണു്. Arithmetic part എല്ലാവരും ശരിയാക്കി. Logical part ആണു പ്രശ്നമുണ്ടാക്കുന്നതു്.
ഉമേഷ്::Umesh | 31-Oct-06 at 6:39 pm | Permalink
ഒരു ശരിയുത്തരം കിട്ടിയിട്ടുണ്ടു്. പതിവുപോലെ ഇത്തവണയും സിബു തന്നെ ആദ്യം ശരിയാക്കിയ ആള്. ഉത്തരവും വിശദീകരണവുമുണ്ടു്.
ഉത്തരം പിന്നീടു പ്രസിദ്ധീകരിക്കാം.
Adithyan | 31-Oct-06 at 6:45 pm | Permalink
D – 10
V – 4
K – 6
T – 2
Adithyan | 31-Oct-06 at 6:50 pm | Permalink
D – 8
V – 3
K – 5
T – 6
പച്ചാളം | 31-Oct-06 at 6:59 pm | Permalink
ദേവേട്ടന് 10
കുറുമാന് 6
വിശാലേട്ടന് 4
തറവാടി 2
ആണോ?
അല്ലല്ലേ? 🙂
Devan | 31-Oct-06 at 7:00 pm | Permalink
ഉത്തരം ഇടല്ലെ
ഞാന് ദേവനെന്നു സേര്ച്ചിക്കിട്ടി ഇപ്പോ വന്നേയുള്ളു, ഒന്നു തലയടിച്ചു പൊളിച്ചു നോക്കട്ടെ.
കുട്ട്യേടത്തി | 31-Oct-06 at 7:28 pm | Permalink
ഉമേഷ്ജിയേ,
ഉച്ചയ്ക്കുണ്ണാന് ഡ്രൈവ് ചെയ്ത വഴിക്കും തിരിച്ചും, ഇതു തന്നെയായിരുന്നു തലയില്. മ്ഹ്.. അവര്ക്കു പറയാന് പറ്റിയില്ല എന്ന ക്ലൂ തന്നെയായിരിക്കണം ഞാന് പ്രാധാന്യം കൊടുക്കാതെ വിട്ടു കളഞ്ഞതെന്നു തോന്നി.
ദേവന് : 9
കുറു : 6
വിശാലന് : 3
തറവാടി : 4
ഇതാണോ ഉത്തരം ? ശരിയാണെങ്കില് ചെയ്ത വഴി ഉടനെഴുതാം.
Devan | 31-Oct-06 at 7:41 pm | Permalink
D (K+V) T
8+(8)+6 (8 can be 7+1, 5+3, 1+7, 3+5) cannot be 4+4 or 6+2/2+6
9+(9)+4 (9 can be 8+1, 7+2, 1+8, 2+7 6+3, 3+6 ) cannot be 5+4/4+5
10+(10)+2 (9+1, 6+4, 4+6, 1+9, 7+3 or 3+7) cannot be 2+7 or 7+2 or 5+5
ദേവനു k+v അറിയാമെങ്കിലും k എത്ര v എത്രയെന്നു പിടി കിട്ടില്ല. ഓന് തോറ്റു.
കുറുമാന്റെ മുന്നില് ഇത്രേം കോംബികള്
D K V T
8 1 7 6 C
9 1 8 4 G
10 1 9 2 N
9 2 7 4 H
8 3 5 6 D
9 3 6 4 J
10 3 7 2 P
10 4 6 2 M
8 5 3 6 B
9 6 3 4 I
10 6 4 2 L
8 7 1 6 A
9 7 2 4 F
10 7 3 2 O
9 8 1 4 E
10 9 1 2 K
കുറുമാന് പറഞ്ഞില്ല
kuruman filter
d k v t
8 7 1 6 A
9 7 2 4 F
9 6 3 4 I
10 7 3 2 O
10 6 4 2 L
8 3 5 6 D
9 3 6 4 J
8 1 7 6 C
10 3 7 2 P
9 1 8 4 G
10 1 9 2 N
വിvisalan filter
ശാലന് പറഞ്ഞില്ല
9 6 3 4 I
10 7 3 2 O
8 1 7 6 C
10 3 7 2 P
തറവാടി പറഞ്ഞെങ്കില് അത് ഒന്നുകില് l അല്ലെങ്കില് c
അതേല് c ആകാന് പറ്റില്ല കാരണം കുറുവിനു കുപ്പി ഒന്നേയുള്ളു
അപ്പോ ദേവന് 9, കുറു 6 , വിശാല 3 തറവാടി 4
ശരിയാണോ? അതോ ചീറ്റിയോ
കുട്ട്യേടത്തി | 31-Oct-06 at 8:21 pm | Permalink
എന്നാലിനി എന്റെ ചെയ്ത വഴി ഇതാ. യെന്റമ്മോ ഇതു മുഴുവന് എഴുതി പിടിപ്പിച്ചാല് വട്ട് ആകും. കിടിലം ചോദ്യം ട്ടോ ഉമേഷ്ജി. ആദ്യം ഞാന് ആ ഒരു പോയിന്റ് അവഗണിച്ചതു കൊണ്ടാണ്, പല ഉത്തരം ഉണ്ടല്ലോ എന്നു ചിന്തിച്ചത്. എന്തായാലും കൊറെ നാളു കൂടി ബ്രെയിന് ഒന്നു വര്ക്ക് ചെയ്തു. ഫോര്മുലയോ, മാത്തമാറ്റിക്കല് മെതേടോ എനിക്കറിയില്ല. അറിയാന് താല്പ്പര്യവുമില്ല. 🙂 ഹി ഹി.. എനിക്കിങ്ങനെ ലോജിക്കലി ചെയ്യാന് ആണിഷ്ടം.
ഞാന് ആദ്യം ദേവന്റെ സാധ്യതകള് നോക്കി. 10, 9, 8. 11 ആയാല്, പിന്നെ തറവാടിക്ക് കോണ്ട്രിബ്യൂറ്റ് ചെയ്യാന് പറ്റില്ല. 7 ആയാല് തറവാടി ദേവനെക്കാള് കൂടുതല് ആയിപോകും. അപ്പോള്, ഇതിലേതായാലും ഒന്നില് കൂടുതല് കോംബിനേഷനുകള് എല്ലാര്ക്കും ഉണ്ട്, സോ ദേവനു പറയാന് പറ്റിയില്ല.
പിന്നെ കുറുമാനില് നിന്നു ചിന്തിച്ച്, സാധ്യതകള് ഓരോന്നായി എലിമിനേറ്റ് ചെയ്തു. കുറുമാന് കൊണ്ടു വന്നതു 4, 2, 8, 5 ഇതിലേതെങ്കിലും ആയിരുന്നെങ്കില് കുറുമാനുത്തരം പറയാന് പറ്റിയേനേ. പറ്റാത്തതിനാല്, കുറുമാന്റെ കയ്യിലുള്ളത് 1,3,6,7 ഇതിലേതെങ്കിലും.
പിന്നെ, ഇതില് നിന്നും വിശാലന്റെ വ്യൂ പോയിന്റില് നോക്കിയപ്പോള്, വിശാലന്റെ കയ്യില് 6,1 ഏതെങ്കിലും ആയിരുന്നെങ്കില്, വിശാലന് പുല്ലു പോലെ പറഞ്ഞേനെ എന്നു മനസ്സിലായി. അതായതു വിശാലന്റെ കൊടുത്തത് 7,3 ഇതില് ഏതോ.
അപ്പോള് ഈ സാധ്യതകള് വച്ചു ബാക്കിയുള്ളതു ഇത്ര മാത്രം.
10,7,3,2
10,3,7,2
9,6,3,4
8,1,7,6
തറവാറ്റി കൊടുത്തതു 2 ആയിരുന്നെങ്കില് കക്ഷിക്കു പറയാന് പറ്റില്ലാരുന്നു. പുള്ളി പുട്ടു പോലെ പറഞ്ഞ സ്ഥിതിക്ക് കക്ഷി കൊടുത്തത് 4 ഓര് 6.
കുറുമാനല്ല ഏറ്റവും കുറവു കൊടുത്തത് എന്ന ക്ലൂ ഇവിടെ സഹായിച്ചു. അപ്പോള് പിന്നെ ബകകിയുള്ള ഒരേ ഒരു സാധ്യത 9,6,3,4.
യെന്റമ്മോ, ഇതിലും കൂടുതല് വിശദീകരിച്ചെഴുതാന് എനിക്കു ക്ഷമയില്ല.
ഇന്ത മാതിരി നല്ല ചോദ്യങ്ങള് ഇനിയും ഇടണേ ഉമേഷ്ജി.
ഉമേഷ്::Umesh | 31-Oct-06 at 11:55 pm | Permalink
മൂന്നു പേര് ശരിയുത്തരം അയച്ചിട്ടുണ്ടു്-സിബു, ദേവന്, കുട്ട്യേടത്തി.
ഫൈസല്, കുസൃതിക്കുടുക്ക, വല്യമ്മായി, സു, ആദിത്യന്, പച്ചാളം,
നിങ്ങളുടെ ഉത്തരം ശരിയല്ല. ദയവായി ഒന്നുകൂടി ശ്രമിക്കൂ.
Adithyan | 01-Nov-06 at 1:28 am | Permalink
ഉത്തരം ശരിയല്ലെങ്കില് പ്രസിദ്ധീകരിക്കാന് പാടില്ല. പ്രസിദ്ധീകരിച്ചാല് പോട്ട്ലാണ്ടില് വന്നു തല്ലും എന്ന ഡിസ്ക്ലെയിമര് ഇടാന് മറന്നു. 🙁
പച്ചാളം, ഈ ബ്ലോഗ് ബോംബു വെച്ച് തകര്ക്കാന് നീ ക്വൊട്ടേഷന് എടുക്കുമോ?
Sulfikkar Ali. Sull | 01-Nov-06 at 4:40 am | Permalink
ഉമേഷ്ജി ഉത്തരം.
തറവാടി 2 കുപ്പി
കുറു, വിശു 5 വീതം
ദില് 10
ഒരോരുത്തരുടെ കപ്പാക്കിറ്റിപോലിരിക്കും കുപ്പീടെ എണ്ണം 🙂
-സുല്
ഉമേഷ്::Umesh | 01-Nov-06 at 5:48 am | Permalink
സുല്ലേ, നാലു പേരും വ്യത്യസ്ത എണ്ണം കുപ്പികളാണു കൊണ്ടു വന്നതു് എന്ന ക്ലൂ കണ്ടില്ലേ?
ഇത്തിരിവെട്ടം | 01-Nov-06 at 6:08 am | Permalink
ഉമേഷ്ജീ നാല് കണ്ടീഷന്സ് ആല്ലേ..
1. ആകെ 22 കുപ്പി
2. ദേവന് ഏറ്റവും കൂടുതല്
3. കുറു+വിശാല്=ദേവന്
4. നാലുപേരും വ്യത്യസ്ത എണ്ണം കുപ്പികള്
ഉത്തരം :
ആകെ 22.
ദേവേട്ടന് : 10
കുറുജി : 4
വിശാലന് : 6
തറവാടി : 2
വല്യമ്മായി | 01-Nov-06 at 6:08 am | Permalink
ദേവേട്ടന്-10 കുപ്പി,കുറുമാന്-7 കുപ്പി,വിശാലന്-3 കുപ്പി,തറവാടി-2 കുപ്പി
ഇത്തിരിവെട്ടം | 01-Nov-06 at 6:11 am | Permalink
ഉമേഷ്ജീ നാല് കണ്ടീഷന്സ് ആല്ലേ..
1. ആകെ 22 കുപ്പി
2. ദേവന് ഏറ്റവും കൂടുതല്
3. കുറു+വിശാല്=ദേവന്
4. നാലുപേരും വ്യത്യസ്ത എണ്ണം കുപ്പികള്
ഇതിന് ഉത്തരം ഇനിയും ഉണ്ടാക്കമെന്ന് തോന്നുന്നു. ഇനിയേതെങ്കിലും കണ്ടീഷന്സ് ഞാന് മിസ്സായോ?
ഉത്തരം :
ആകെ 22.
ദേവേട്ടന് : 7
കുറുജി : 3
വിശാലന് : 4
തറവാടി : 8
ഉമേഷ്::Umesh | 01-Nov-06 at 6:34 am | Permalink
ഇത്തിരിവെട്ടവും വല്യമ്മായിയും ഒന്നു കൂടി ശ്രമിക്കൂ.
Siju | സിജു | 01-Nov-06 at 6:41 am | Permalink
answer is 9, 6, 3, 4 in the order
let me know this is correct (i am sure its) 🙂
then i will send the method
btw, nice puzzle
it took my half an hour
dont mind coz it goes to office time
Sulfikkar Ali. Sull | 01-Nov-06 at 6:49 am | Permalink
അപ്പോള് കൂടുതല് ഉത്തരങ്ങള് ഉണ്ടല്ലോ.
തറവാടി 2 കുപ്പി
കുറു 3 | 4 | 6 | 7
വിശു 7 | 6 | 4 | 3
ദേവ് 10
ഇതു ശരിയാവണേ ബ്ലോഗ്ഗര്ക്കാവിലമ്മേ.
വല്യമ്മായി | 01-Nov-06 at 6:55 am | Permalink
ദേവേട്ടന്-9 കുപ്പി,കുറുമാന്-6 കുപ്പി,വിശാലന്-3 കുപ്പി,തറവാടി-4 കുപ്പി
ഉമേഷ്::Umesh | 01-Nov-06 at 7:26 am | Permalink
വല്യമ്മായിയ്ക്കവസാനം ഉത്തരം കിട്ടിയെന്നു തോന്നുന്നു. വിശദീകരണവും കൂടി കിട്ടിയെങ്കിലേ ഉറപ്പിക്കാന് പറ്റൂ.
സുല്ലിനു വീണ്ടും തെറ്റി. സിജുവിന്റെ ഉത്തരം ശരിയാണു്. വിശദീകരണവും ദയവായി അയയ്ക്കൂ.
Sulfikkar Ali. Sull | 01-Nov-06 at 7:55 am | Permalink
എന്നാലിനി ഉത്തരങ്ങളുടെ ഒരു പെരുമഴയായിക്കളയാം.
കണ്ടീഷന്സ്
1. ദേവന് ആണ് എറ്റവും കൂടുതല് കൊടുത്തത്.
2. മൊത്തം ഇഎഉപത്തി രണ്ട്.
3. നാലു പേരും കൊടുത്തതു നാലു വ്യത്യസ്ത
4. വിശാലന് + കുറു = ദേവന്
5. എറ്റവും കുറവു കുറു അല്ല.
വിശു കുറു ദേവ തറ
1 7 8 6
1 8 9 4
1 9 10 2
2 7 9 4
3 5 8 6
3 6 9 4
3 7 10 2
3 5 8 6
4 6 10 2
ഇനീം ഇഷ്ടായില്ലാന്നുണ്ടൊ?
subhadram | 01-Nov-06 at 7:56 am | Permalink
തറവാടി പാവം രണ്ട് കുപ്പിയില് ഒതുക്കി. കുടുംബോം പ്രാരാബ്ധോം ഒക്കെ ഉള്ളതല്ലേ,
കുറു ഒരു നാല് കുപ്പി സംഘടിപ്പിച്ചു. (ബാക്കി വച്ച ഒരു കുപ്പി മറ്റെന്തോ ആണെന്ന് തെറ്റിദ്ധരിച്ച് കഴിച്ചു തീര്ത്തെന്നും റിപ്പോര്ട്ടുണ്ട്.)
വിശു ആറു കുപ്പി കൊണ്ട് കൊടുത്ത് പണ്ടാരമടങ്ങി പോവട്ടേന്ന് പറഞ്ഞതിന് സാക്ഷികളുണ്ട്. ഇക്കാര്യം ബ്ലോഗാഭിമാനിയില് വന്നിരുന്നു.
പത്ത് കുപ്പി നല്കിയശേഷം ദില്ബാസുരന് ഇക്കാര്യം മീറ്റില് അനൌണ്സ്
ചെയ്യണമെന്നും ബ്ലോഗുകളിലൂടെ പരസ്യപ്പെടുത്തണമീനും ആവശ്യപ്പെട്ടതായാണ് അറിവ്. എങ്ങനെ?
Siju | സിജു | 01-Nov-06 at 7:57 am | Permalink
തന്നിട്ടുള്ള കാര്യങ്ങള്
D + K + V + T = 22
D = K+V or 2D+T = 22
D != K != V != T
D ഏറ്റവും വലുത്
K ഏറ്റവും ചെറുതല്ല (പക്ഷേ അതു നാലു പേര്ക്കും അറിയില്ല)
D , K & V ക്ക് കണ്ട്പിടിക്കാന് പറ്റിയില്ല
പക്ഷെ അതിനു ശേഷം T കണ്ടുപിടിച്ചു
ആദ്യത്തെ 4 അറിവുകള് വെച്ചു മൊത്തം 16 ഓപ്ഷന്സുണ്ട്.
8, 7, 1, 6
8, 5, 3, 6 *
8, 3, 5, 6
8, 1, 7, 6
9, 8, 1, 4 *
9, 7, 2, 4
9, 6, 3, 4
9, 3, 6, 4
9, 2, 7, 4 *
9, 1, 8, 4
10, 9, 1, 2 *
10, 7, 3, 2
10, 6, 4, 2
10, 4, 6, 2 *
10, 3, 7, 2
10, 1, 9, 2
ഇതില് * ഉള്ളതെല്ലാം (5) K ആവര്ത്തിക്കുന്നില്ല. K ക്കു ഉത്തരം പറയാന് പറ്റാഞ്ഞതു കൊണ്ട് അതെല്ലാം തെറ്റാണെന്ന് മനസ്സിലാക്കാം. ബാക്കി വരുന്ന 11 എണ്ണം
8, 7, 1, 6 *
8, 3, 5, 6 *
8, 1, 7, 6
9, 7, 2, 4 *
9, 6, 3, 4
9, 3, 6, 4 *
9, 1, 8, 4 *
10, 7, 3, 2
10, 6, 4, 2 *
10, 3, 7, 2
10, 1, 9, 2 *
ഇതില് * ഉള്ളതെല്ലാം (7) V ആവര്ത്തിക്കുന്നില്ല. V ക്കു ഉത്തരം പറയാന് പറ്റാഞ്ഞതു കൊണ്ട് അതെല്ലാം തെറ്റാണെന്ന് മനസ്സിലാക്കാം. ബാക്കി വരുന്ന 4 എണ്ണം
8, 1, 7, 6
9, 6, 3, 4
10, 7, 3, 2
10, 3, 7, 2
Tക്ക് അറിയാം എത്രയാണു താന് കൊടുത്തതെന്നും ശരിയുത്തരം സംശയമില്ലാതെ പറയുകയും ചെയ്തു. അപ്പോള് ഉത്തരം ആദ്യത്തെ രണ്ടെണ്ണത്തില് ഒന്നായിരിക്കും
8, 1, 7, 6
9, 6, 3, 4
നമുക്കറിയാം K ഏറ്റവും ചെറുതല്ലയെന്ന്, അതു കൊണ്ടു ഉത്തരം രണ്ടാമത്തേത്
ദേവേട്ടന് = 9
കുറുമാന് = 6
വിശാലന് = 3
തറവാടി = 4
കുറച്ചു വെള്ളം 🙂
കുറുമാന് | 01-Nov-06 at 8:49 am | Permalink
ദേവേട്ടന് – 10 കുപ്പി
ഞാന് അഥവാ കുറുമാന് – 6 കുപ്പി (ഇനി എഴുതുമ്പോ മണ്ണെണ്ണക്ക് പകരം, വിസ്കിയോ, ബ്രാന്ഡിയോ ഒന്നുമില്ലേലും ബിയറെങ്കിലും വച്ച് പസില് എഴുതുക – ഉമേഷ്ജീ മനസ്സിലാകുന്നുണ്ടല്ലോ അല്ലെ)
വിശാലന് – 4 കുപ്പി
വല്യമ്മായി – 2 കുപ്പി (പെണ്ണുങ്ങള് പണ്ടേ പിശുക്കിന്റെ കാര്യത്തില് മുന്പന്ന്തിയിലല്ലെ)
വല്യമ്മായി | 01-Nov-06 at 9:46 am | Permalink
വിശദീകരണം.
A-Devettan,B-Kuruman,C-Visalan,D-Tharvaadi
തന്നിരിക്കുന്ന കണ്ടീഷന്സ് വെച്ച് താഴെ ഉള്ളതാണ് പൊസിബിലിറ്റികള്
a=b+c
22=2a+d
A B C D
10 1 9 2
10 3 7 2
10 4 6 2
10 6 4 2
10 7 3 2
10 9 1 2
9 1 8 4
9 2 7 4
9 3 6 4
9 6 3 4
9 7 2 4
9 8 1 4
8 1 7 6
8 7 1 6
8 3 5 6
8 5 3 6
ദേവേട്ടന് ഉത്തരം പറയാന് പറ്റില്ല. b=4,9,2,8,5 ആയിരുന്നെങ്കില് കുറുമാന് പറഞ്ഞേനെ,അപ്പോള് ആവരികള് കളയാം.c=9,4,8,6,2,1,5 ആണെങ്കില് വിശലന് ഉത്തരം പറഞ്ഞേനെ.അങ്ങനെ ബാക്കി നാലു വരികള്.
10 3 7 2
10 7 3 2
9 6 3 4
8 1 7 6
നാലാമതേത് ശരിയാകില്ല.തറവാറ്റിയുടെ കയ്യില് 2 ആയിരുന്നെങ്കില് ആള്ക്ക് ഉതതരം പറയാന് പറ്റില്ലായിരുന്നു.അതിനാല് 9,6,3,4 ആണ് ശരി.
ഉമേഷ്::Umesh | 01-Nov-06 at 2:31 pm | Permalink
സുല്ലിനു വീണ്ടും തെറ്റി. സുഭദ്രത്തിനും കുറുമാനും തെറ്റി.
സിജു, വല്യമ്മായി എന്നിവര് ശരിയാക്കി; ശരിയായ വിശദീകരണവും തന്നു.
ഉമേഷ്::Umesh | 01-Nov-06 at 2:34 pm | Permalink
ഉത്തരമയയ്ക്കുന്ന പലരും ദേവരാഗത്തെ ദില്ബാസുരനായി തെറ്റിദ്ധരിച്ചിരിക്കുന്നു. ഒന്നു ദേവന്, മറ്റേതു് അസുരന്. ഇവരെ തെറ്റിയാല് എന്താ കഥ!
തറവാടിയ്ക്കു പകരം വല്യമ്മായി എന്നു പറഞ്ഞവരും ഉണ്ടു്. ഇതു ക്ഷന്തവ്യം. ഒന്നുമല്ലെങ്കിലും നല്ല പാതിയാണല്ലോ.
എല്ലാവരും ചോദ്യം നന്നായി വായിക്കുക.
ദില്ബാസുരന് | 01-Nov-06 at 2:38 pm | Permalink
ഈ ശ്വരാ,
ഈ വഴി വരാതിരുന്നാലെങ്കിലും അല്പ്പം സമാധാനം കിട്ടുമെന്നാ കരുതിയത്. എവടെ? 🙂
Appol Shari | 01-Nov-06 at 4:43 pm | Permalink
9,6,3,4 respectively
ഉമേഷ്::Umesh | 01-Nov-06 at 5:04 pm | Permalink
അപ്പോള് ശരിയേ,
അപ്പോള് ശരി 🙂
അപ്പോള് ശരി | 01-Nov-06 at 9:51 pm | Permalink
ഉത്തരം
———
ദേവേട്ടന് – 9
കുറുമാന് – 6
വിശാലന് – 3
തറവാടി – 4
വഴി
——
ദേവേട്ടന്റെ സംഭാവന 8,9, അല്ലെങ്കില് 10 ആകണം.(8 ഇല് താഴെ ആയാല് ഏറ്റവും വലിയ സംഭാവന ആകില്ല. അതു പോലെ 10 ഇല് കൂടിയാല് തറവാടിയുടെ സഹായമില്ലാതെ തന്നെ 22 ആകും)
തറവാടിയുടെ സംഭാവന അതനുസരിച്ച് 6, 4, അല്ലെങ്കില് 2 ആയിരിക്കും. മറ്റുള്ളവരുടെ സംഭാവന കൂടി നോക്കിയാല് താഴെ കാണുന്ന ഉത്തരങ്ങളില് ഏതെങ്കിലും ആകും. (സംഭാവനകള് വ്യത്യസ്തമാണ് എന്ന കണ്ടീഷന് കൂടി കണക്കാക്കുമ്പോള് – ഏറ്റവും ചെറിയ സംഭാവന കുറുമാന്റെ ആണെന്നുള്ള വിവരം ഇപ്പോള് പരിഗണിക്കുന്നില്ല.)
ക്രമത്തില്
8,7,1,6
8,5,3,6
8,3,5,6
8,1,7,6
9,8,1,4
9,7,2,4
9,6,3,4
9,3,6,4
9,2,7,4
9,1,8,4
10,9,1,2
10,7,3,2
10,6,4,2
10,4,6,2
10,3,7,2
10,1,9,2
ഇതില് നിന്നു താഴെ പറയുന്ന ഏതെങ്കിലും ആയിരുന്നെങ്കില് കുറുമാന് ഉത്തരം പറഞ്ഞേനെ
9,8,1,4
9,2,7,4
10,9,1,2
8,5,3,6
10,4,6,2
താഴെ പറയുന്ന ഏതെങ്കിലും ആണെങ്കില് വിശാലന് ഉത്തരം പറഞ്ഞേനെ
8,7,1,6
8,3,5,6
9,3,6,4
9,1,8,4
9,7,2,4
10,6,4,2
10,1,9,2
10,7,3,2 അല്ലെങ്കില് 10,3,7,2 ആയിരുന്നെങ്കില് ആര്ക്കും ഉത്തരം പറയാന് പറ്റുകയില്ല.
8,1,7,6 – തറവാടിക്കു മാത്രമേ ഉത്തരം പറയാന് പറ്റൂ. പക്ഷെ ഏറ്റവും ചെറിയ സംഭാവന കുറുമാന്റെ അല്ല എന്ന കുളു കാരണം ഇതല്ല ഉത്തരം.
അപ്പോള് ഏക ഉത്തരം 9,6,3,4
പ്രവീണ് | 02-Nov-06 at 11:19 am | Permalink
ദേവരാഗം-11
കുറുമാന്-06
വിശാലന്-05
തറവാടി-02
പ്രവീണ് | 02-Nov-06 at 11:24 am | Permalink
ദേവരാഗം-10
കുറുമാന്-06
വിശാലന്-04
തറവാടി-02
പൊന്നപ്പന് - the Al | 02-Nov-06 at 5:20 pm | Permalink
ദേവേട്ടന് – 10
കുറുമാന് – 7
വിശാലന് – 3
തറവാടി – 2
ലോജിക്ക് മുറിച്ചു മുറിച്ചു ഇങ്ങനെ എഴുതാം
ദേവന് = കുറുമാന്+വിശാലന്
അതായതു 2 ദേവന് + തറവാടി = 22
ദേവന് > തറവാടി && തറവാടി != 0 ആയതിനാല് 11> ദേവന് >= 8
2*ദേവന് എന്നതു ഒരിക്കലും ഒരു ഒറ്റ സംഖ്യ ആവാത്തതിനാല് തറവാടി 2,4,6 എന്നീ സംഖ്യകളില് ഏതു വേണമെങ്കിലും ആകാം..(അതായത് ഇരട്ട സംഖ്യകള് മാത്രമേ ആകൂ) ദേവന്റെ value 8,9,10 എന്നിവയിലേതെങ്കിലും ആകുകയും ചെയ്യാം.
അതായത് കുറുമാന്+വിശാലന് എന്ന value ഉം 8, 9, 10 എന്നിവ ആകാം.
8 എന്ന കോമ്പിനേഷന് 1+7,2+6,3+5,4+4 എന്നിവയും മറിച്ചുമാകാം
അതില് 2+6,4+4 എന്നിവ രണ്ട് പേര്ക്ക് ഒരേ വില വരാന് പാടില്ല എന്ന തത്വം വച്ചു ഉപേക്ഷിക്കാം.
9 ന്റെ കോമ്പിനേഷനിലും 4,5 എന്നീ സംഖ്യകളെ നമുക്ക് ഉപേക്ഷിക്കാം.
10 ല് കണ്ണുമടച്ച് ഉപേക്ഷിക്കാവുന്നവ 5,2,8 എന്നിവയാണ്.
ഇനി കുറുമാനല്ല ഏറ്റവും ചെറിയ എണ്ണം നല്കിയത് എന്ന അറിവിന്റ്റെ അടിസ്ഥാനത്തില് കുറുമാന്റെ values 1 ഉം 2 ഉം അല്ല എന്ന് ഊഹിക്കാം. ബാക്കി ഉള്ള കോമ്പിനേഷന്സില് കുറുമാന് ഊഹിക്കാന് കഴിയാത്ത ഒരേ ഒരു അവസ്ഥ കുറുമാന്റെ കയ്യില് 7 ഉള്ളപ്പോള് മാത്രമാണ്.
അങ്ങനെ കുറുമാന് വാല്യു fixed. – 7
ഇനി വിശാലന്റെ കയ്യില് മൂന്നു സംഖ്യകള് മാത്രമേ ഉണ്ടാകാന് പാടുള്ളൂ.
അവ 1,2,3 എന്നിവയാണ്.
ഇതില് ഏതാണെങ്കിലും വിശാലനു മനസ്സിലാകും കുറുമാന്റെ കയ്യിലെ കുപ്പികളുടെ എണ്ണം തന്റേതിനേക്കാള് വലുതാണെന്ന്. അതില് വിശാലന്റെ കയ്യില് 1 ആണെങ്കില് കുറുമാന്റെ കയ്യില് 7,8,9 എന്നിവയില് ഏതെങ്കിലും ആകാമല്ലോ. കുറുമാന് ഉത്തരം പറയാത്ത ലോജിക്ക് ആലോചിച്ചാല് വിശാലനു 7 എന്ന അക്കം പെട്ടെന്നു കണ്ടു പിടിക്കുകയും ചെയ്യാം. അതു പോലെ വിശാലന്റെ വില 2 ആണെങ്കിലും 6,7,8 എന്നീ സംഖ്യകളില് നിന്നു വിശാലനു ഉത്തരം കണ്ടെത്താമായിരുന്നു. പക്ഷേ 3 ആണെങ്കില് ഊഹിക്കാന് കഴിയില്ല. അതു കൊണ്ട് വിശാലന് മിണ്ടാതെ നിന്നു. ഇത് തറവാടിക്കു മനസ്സിലായി. തന്റെ കയ്യിലെ കുപ്പികളുടെ എണ്ണം വച്ചു നേരത്തേ തന്നെ ദേവന്റെ കയ്യിലെ കുപ്പികളുടെ എണ്ണം തറവാടി കണക്കു കൂട്ടുകയും ചെയ്തല്ലോ.. ബാക്കി ഉണ്ടായിരുന്നത് കുറുമാന്+വിശാലന് എന്ന കോമ്പിനേഷനിലെ സംശയമായിരുന്നു. അതും മാറിക്കിട്ടി.
അപ്പോള് ഉത്തരം എളുപ്പമായി.
തറവാടിയുടെ കയ്യില് 2
ബാക്കിയുള്ളതിന്റെ പകുതി ദേവന്റെ കയ്യില് – അതായത് 10
കുറുമാന്റ്റെ കയ്യില് 7
ബാക്കി 3 വിശാലന്റെ കയ്യില്.
രാധ | 06-Nov-06 at 6:28 am | Permalink
ഇതാണോ ശരിയുത്തരം?
ദേവരാഗം-10 അല്ലെങ്കില് 8
വിശാല്ദാ-3 അല്ലെങ്കില് 1
കുറുമാന്ജി-7
തറവാടി-2 അല്ലെങ്കില് 6
രാധ | 06-Nov-06 at 6:49 am | Permalink
wait wait is this the correct answer?
ദേവരാഗം-8
വിശാല്ദാ-1
കുറുമാന്ജി-7
തറവാടി-6
കലേഷ് | 07-Nov-06 at 1:46 pm | Permalink
ഉമേഷേട്ടാ, പസില് കലക്കി. :)))
ഇതിന്റെ ഉത്തരം ഒറ്റയടിക്ക് തലയിലുദിക്കുന്നില്ല. എന്നെക്കാളും കണക്കിന് മിടുക്കി റീമ തന്നെയാ. ഞാനിത് പ്രിന്റെടുത്ത് വീട്ടില് കൊണ്ടുപോണു. ഉത്തരം നാളെ ഇടും.
വല്യമ്മായി | 08-Nov-06 at 12:03 pm | Permalink
ഇതിനൊരുത്തരം കിട്ടാതെ മീറ്റ് നടക്കുമോ
babukalyanam | 14-Nov-06 at 2:10 pm | Permalink
is the answer
d k v t
9 6 3 4
??????
വല്യമ്മായി | 18-Nov-06 at 7:15 am | Permalink
ഇതിന്റെ ഉത്തരം എവിടെ? അടുത്ത കണക്കും വേണം
siddhaarththhan | 21-Nov-06 at 8:09 pm | Permalink
9,6,3,4 -ആണെങ്കിലേ തറവാടി പറയൂ എന്നാണു് തോന്നുന്നതു്.
മാപ്പു മെയിലു കണ്ടാണിങ്ങോട്ടു വന്നതു്. ഞാനില്ലാത്ത നേരത്തു് ആ പേരു പലവട്ടം പറഞ്ഞോർമ്മിപ്പിച്ചതിനു് ഞാനേതു വാലാട്ടും.
😉